Pentaqonun yeni rəhbəri bəlli oldu

Tarix: 25 Yanvar 2025 09:10

Donald Tramp administrasiyası dövründə ABŞ-nin müdafiə katibi vəzifəsini Pit Heqset icra edəcək.

Sonxeber.net xəbər verir ki, Donald Trampın ABŞ müdafiə katibi vəzifəsinə namizədi olan Pit Heqset, Senatda keçirilən səsvermədən sonra Pentaqonun yeni rəhbəri olaraq təsdiq edilib.

44 yaşlı Heqset ABŞ ordusunun veteranıdır. O quru qoşunlarının ehtiyatda olan mayoru olmaqla yanaşı hərbi mükafatlara da layiq görülüb.

O, zabit rütbəsini doğulduğu Minnesota ştatının Milli Qvardiyasında xidmət etməklə qazanıb. Heqset səkkiz ildir ki, "Fox News"da işləyir.

O, həmçinin bir neçə kitab yazıb və iki veteran hüquqları təşkilatına rəhbərlik edib.

Prinston və Harvard Universitetlərində təhsil alıb. /Lent.az